काठमाडौं महानगरपालिकाले वडा नम्बर १६ बालाजु क्षेत्रमा सार्वजनिक जग्गा अतिक्रमण गरी बनाइएका घर टहरा भत्काएको छ।
जिल्ला प्रशासन कार्यालयले सूचना जारी गरी काठमाडौंका विभिन्न वडामा अनाधिकृत घर टहरा डोजर प्रयोग गरी भत्काउन भनेको थियो ।
सरकारले वैशाख १२ गतेदेखि काठमाडौंका सुकुमवासी बस्तीमा डोजर चलाएको र बाँकी ठाउँमा आजबाट डोजर लगाउन सुरु गरेको छ।
१८ वैशाख, काठमाडौं । काठमाडौं महानगरपालिका वडा नम्बर १६ बालाजु क्षेत्रको खोला किनारमा बनाइएका घर टहरा पनि भत्काइएको छ । कतिपयले आफ्नो घर आफैं भत्काएका छन् । उनीहरुले घरका सामान अन्येत्र सारिरहेका छन् ।
सो क्षेत्रमा सार्वजनिक जग्गा अतिक्रमण गरी अनाधिकृत रुपले बनाइएका घर टहरा भत्काउन जिल्ला प्रशासन कार्यालयले सूचना जारी गरेको थियो । सो सूचना अनुसार काठमाडौं महानगरपालिकाले माइकिङ गर्दै ठाउँ खाली गर्न भनेको थियो ।