हामी छोरीहरू गर्भदेखि नै हेपिन्छौँ
छोराछोरी बराबरी, किताबमा मात्र भेटिन्छौँ
अब छोरीलाई पनि सम्मान गर्ने गर
छोरा र छोरी हुन् एक अर्काको भर

छोरी हुन् घरकी अमूल्य गहना
कहाँ रहन्छ र जुन आकाशविना
छोरी भनेको एउटा सिङ्गो धर्ती
उनकै कारण चल्छ सुन्दर सृष्टि

छोरीले नि देश विकास गरेर देखाउँछे
असल काम गरेर देशको नाम चम्काउँछे
छोरी पनि बनेकी छे उदाहरणीय व्यक्ति
गर्व गर्न सक्छ सिङ्गो मानव जाति

अचेल छोरीहरुले नि पाउँदै छन् अवसर
अवसरका ढोका खुल्दै जाउन् सरासर
हाम्रो पनि मनै हो चोट पाए रुन पनि सक्छ
छोरी भएको घर साँच्चै नै उज्यालो हुन्छ ।