काठमाडौं । अंकित मूल्य भन्दा महंगोमा साधारण सेयर (आईपीओ) जारी गर्न माग गर्दै रिलायवल लाइफ इन्स्यारेन्स कम्पनीले नेपाल धितोपत्र बोर्डमा आवेदन दिएको छ । प्रति कित्ता सय रुपैयाँका दरले नै बिमा कम्पनीहरुले सर्वसाधारणका लागि आईपीओ जारी गर्ने गरेका छन् ।

तर रिलायवल लाइफले भने प्रिमियम मूल्यमा आईपीओ निष्काशन गर्न अनुमति माग गरेको हो । कम्पनी १०० रुपैयाँ अंकित मूल्यमा ११२ रुपैयाँ प्रिमियम मूल्य जोडेर सर्वसाधारणबाट प्रतिकित्ता २१२ रुपैयाँ लिने गरी आईपीओ निष्काशन गर्न लागेको हो ।